Fondacioni Down Syndrome Albania (DSA) është një organizatë jo qeveritare dhe jofitimprurëse themeluar në vitin 2013 dhe punon në fushën e të drejtave të njeriut, me fokus tek të drejtat e personave me aftësi të kufizuara.

DSA advokon për të drejtat dhe nevojat e individëve me sindromën Down në Shqipëri dhe ofron shërbime për fëmijet dhe të rriturit me sindromën Down, aftësi të tjera të kufizuara intelektuale dhe sfida në zhvillim. Fushat tona të ekspertizës përfshijnë; vlerësimin dhe zhvillimin e fëmijëve dhe të rinjve; hartimin e planeve individuale të ndërhyrjes terapeutike apo mbështetëse në qendër apo ambjente natyrale (shtëpi ose institucion arsimor), aplikimin dhe ndjekjen e këtyre planeve; mbështetje të prinderve përmes këshillimeve individuale dhe seancave në grup; trajnime me fokus kryesor tek mësuesit, psikologët, terapistë të gjuhës dhe të folurit, punonjës sociale dhe të tjerë profesionistë që punojnë me individë me aftësi të kufizuara; botimin e udhërrëfyesëve praktikë për punën profesionale në fushën e aftësisë së kufizuar; konceptimin dhe zbatimin e fushatave advokuese, ndërgjegjësuese si dhe të fushatave për mbledhje fondesh; organizimin e konferencave dhe tryezave të rrumbullakta me fokus aftësinë e kufizuar.

Bashkia Tiranë ka në misionin e saj qeverisjen efektive, efikase dhe sa më pranë qytetarëve duke ofruar shërbime cilësore, njohjen e të drejtave dhe mbështetjen e respektimin e të drejtave dhe lirive themelore bazuar dhe në përputhje me legjislacionin e brendshëm dhe ndërkombëtar.

Down Syndrome Albania në partneritet me Bashkine Tirane nisin implemetimin e projektit Aleanca për zgjerim të shërbimeve të integruara sociale dhe mirëqeverisje në rajonin e Tiranës. Ky projekt mbështetet nga Programi “Local level partnerships to advance social inclusion in Albania” i financuar nga Bashkimi Evropian.

Ky projekt ka si qëllim kryesor të sigurojë përfshirje sociale nëpërmjet shërbimeve të integruara të kujdesit social për personat me aftësi të kufizuara nga familje me vështirësi ekonomike që jetojnë në Tiranë, si dhe përmirësimit të kapaciteteve të vendimmarrësve lokal në fushën aftësisë së kufizuar mbi rritjen cilësore të shërbimeve, qeverisjes së mirë dhe transparencës”.

Qeverisja lokale luan një rol kyç në mbështetjen me shërbime si dhe mundësimin e një jete dinjitoze për personat me aftësi të kufizuara. Por, po kaq jetike është edhe monitorimi i politikave lokale dhe sigurimi i llogaridhënies nga organet e qeversjes vendore mbi zbatimin e masave të parashikuara për t’u ardhur në ndihmë komunitetit të PAK. Prandaj, një nga objektivat është edhe përpilimi i një raporti monitorimi, që plotëson standardet më të larta profesionale dhe etike, me synim raportimin e masës së arritjes së objektivave të Planit Lokal Social dedikuar PAK, në bashkinë Tiranë.

Në kuadër të këtij projekti kërkohet një ekspert i interesuar dhe me eksperiencë për monitorimin e zbatimit të Planit Lokal Social të bashkisë Tiranë.

1. Përgatitja e një raporti monitorimi për Planin Social Lokal, bazuar në masat e parashikuara për periudhën 2022-2024 dhe indikatorët e buxhetit lokal.

2. Ballafaqimi dhe agregimi në raport i informacionit.

3. Përgatitja dhe dorëzimi i raportit final të shërbimit.

Eksperti do të punojë ngusht me stafin përgjegjës të Fondacionit Down Syndrome Albania dhe do të raportojë tek stafi përgjegjës i projektit të Down Syndrome Albania.

Personat që do të punojnë me Kontrata Shërbimi për Fondacionin Down Syndrome Albania duhet të pranojnë me shkrim se ata kanë kuptuar “Politikën e Fondacionit Down Syndrome Albania për Mbrojtjen e Fëmijëve”.