Në kuadër të Tetorit

Buddy Walk® "Eja të kesh një shok për kokë përkrah teje" 2014

Tetori është muaji i sensibilizimit për sindromën Down
Fondacioni Down Syndrome Albania (DSA) organizon:
Buddy Walk® Albania “Eja të kesh një shok për kokë përkrah teje”

12 tetor 2014, ora 11:00
Start: Materniteti “Mbretëresha Geraldinë”
Finish: Parku Rinia (Taiwan), vijojmë me një program artistik

Për të dytin vit rradhazi Fondacioni Down Syndrome Albania, ngre zërin dhe kërkon vëmendje për një kauzë të lënë në harresë, kauzën e individëve me sindromën Down.

Buddy Walk® Albania me temë “Eja të kesh një shok për kokë përkrah teje”, është një ecje sensibilizuese me qëllim promovimin e të drejtave dhe nevojave që kanë individëd me sindromën Down për të jetuar një jetë në dinjitet dhe gjithëpërfshirëse në vendin ku jetojmë.

Inisiativa Buddy Walk®, është konceptim i Shoqatës Kombëtare Amerikane të Sindromës Down (NDSS), dhe për herë të parë u organizua në vitin 1995 për të festuar tetorin, muajin e sensibilizimit për sindromën Down dhe për të promovuar pranimin dhe gjithëpërfshirjen e individëve me sindromën Down. Numri i Buddy Walk® ka ardhur në rritje dhe nga 17 ecje të organizuara në vitin 1995, këtë Tetor janë të planifikuara 300 ecje në të gjithë botën, një prej tyre dhe Buddy Walk® Albania. Në vitin 2013, në Amerikë nëpërmjet Buddy Walk® u mblodhën më shumë se 21.3 million $, të cilat ju transferuan programeve dhe shërbimeve lokale. Një pjesë e tyre u alokuan si fonde pranë Shoqatës Kombëtare Amerikane të Sindromës Down, të cilat i përdor ato për inisiativat e saj advokuese dhe ndërgjegjësuese për individët me sindromën Down.

Fondacioni Down Syndrome Albania ka marrë licencën nga NDSS për të organizaur Buddy Walk® Albania.

Në finish të ecjes, në parkun Rinia, DSA ka organizuar një program festiv:

  • - Koncert me këngëtarët shqiptarë që kontribojne me zërin e tyre: Orgesa Zaimi, Kamela Islamaj, Çiljeta Xhilaga,   Orinda Huta, Kejsi Tola dhe Vitmar Basha
  • - Panair simbolik me punime artistike dhe gatime të nënave të fëmijëve me sindromën Dow
  • Barbeque mundësuar nga Hako dhe produktet e Agna Group
  • Argëtime për fëmije

 

Të ardhurat nga shitjet do të shkojnë donacione për Qendrën e Zhvillimit dhe Arritjeve të DSA, ku marrin shërbim terapeutik 30 fëmijë me sindromën Down.

Buddy Walk® Albania realizohet me mbështetjen e: AMC,IDS, HAKO, TIKA , Agna Group, Platea sha, Univers Promotions, Metro, Visual dhe City Move, Pas+P Marketing, Connext Marketing dhe Iceberg Communication